Labhair an tAire Stáit na Gaeltachta, Donnchadh Mac Fhionnlaoich ar na daoine a chuaigh i bhfeidhm air le linn a óige i nGaeltacht Dhún na nGall.
D’inis sé chomh maith cad é mar a raibh scoilt sa teaghlach ó thaobh na polaitíochta agus cad é mar a spreag sé le Garrett Fitzgerald nuair a bhí sé ina mhac léinn i mBaile Átha Cliath.
Bhí sé ag caint in agallamh ar na mallaibh agus dúirt sé in ainneoin go raibh an teanga faoi bhrú sa Ghaletacht “tá tobar mór Gaeilge ar fud na tire”.
“Sin an fáth, ins an Dáil deireanach, gur chuir muid an polasaí seo le chéile agus tá anois mar aidhm ag an rialtas seo é a chur i bhfeidhm.
“`Is fearr Gaeilge bhriste ná Béarla cliste’ agus tuigfidh an pobal é sin. Beidh meas ar an iarracht as seo amach, ní ar an chaighdeán atá acu, ach ar an iarracht,” ar seisean.
Dúirt sé go raibh a aintín, Máire Nic Fhionnlaoich, a chuaigh sí i bhfeidhm go mór air.
“Seanchaí a bhí inti agus chaith Máirtín Ó Cadhain seachtain ins an teach linn sna caogadaí agus ghlac sé síos cuid dena cuid scéalta ar téipeanna agus tháinig leabhar amach anuraidh, ‘Ó Cadhain i dTír Chonaill’.
“Chuir Pádraig Ó Baoill amach é agus tá cuid dá cuid scéalta ansin. Agus níos fearr ná sin, tá dlúthdhioscaí dá cuid cainte ansin agus tá sé cosúil le glór ar ais ón tsíoraíocht. Bhí sí an-chineálta agus chuaigh sí i bhfeidhm go mór orm agus ar na deartháireacha eile a bhí sa teach.”
Is féidir an t–agallamh a léamh anseo www.beo.ie
Tags: